काठमाडौं । लोकप्रिय गायक प्रकाश सपुत र गायिका सुनिता दुलाल ‘विपद् जोखिम सद्भावना दूत’ घोषित भएका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणले उनीहरुलाई ‘विपद् जोखिम सद्भावना दूत’ बनाएको हो । बिहीबार सिंहदरबारमा प्राधिकरणका प्रमुमख कार्यकारी अधिकृत अनिल पोखरेलले प्रमाणपत्र प्रदान गरे ।

गीतसङ्गीतका माध्यामबाट समुदायमा जनचेतना अभिवृद्धि गर्न यस्तो घोषणा गरिएको पोखरेलको भनाई छ । सपुत बाग्लुङ र दुलाल सिन्धुपाल्चोक निवासी हुन् । उक्त अवसरमा ‘बाढी पहिरो, हाम्लाई चिन्ता गहिरो, बोलको’ सन्देशमूलक गीतसमेत सार्वजनिक गरियो । यी दुई जिल्ला पछिल्ला वर्ष सबैभन्दा बढी प्राकृतिक प्रकोप भोग्न बाध्य जिल्ला हुन् ।