काठमाडौं । भारतीय प्रधानमन्त्री नरेन्द्र मोदीले शनिबार अकस्मात एक ट्वीट गरे । जसमा नेपाल समेत सम्बोधन भएको छ । उनले हिन्दी भाषामा भनेका छन्, ‘भूटान हो, नेपाल हो, मालदीव हो, मॉरीशस हो, हम सभी सिर्फ पड़ोसी ही नहीं हैं, बल्कि हमारी सोच और सामाजिक तानेबाने में भी बहुत समानता है। हम सभी सुख दुख के साथी हैं। जब भी कोई आपदा आती है, विपत्ति आती है, तो सबसे पहले हम ही एक दूसरे की मदद करते हैं ।’

बीना कुनै प्रसंग नेपालसहित छिमेकी मुलुकको नाम लिएर उनले गरेको यो ट्वीट दार्चुला घटनासँग जोडेर सामाजिक संजालमा चर्चा शुरु भएको छ । दार्चुलामा भारतीय सीमा सुरक्षा फौजले तुइन चढ्दै गरेका नेपाली युवा नदी पार नहुँदै तुइन निकालेपछि उनी अहिले वेपत्ता छन् । यो घटनाको नेपालमा व्यापक आलोचना भइरहेको छ । भारतको रवैयाविरुद्ध तिब्र विरोध भइरहेको समयमा मोदीले गरेको ट्वीटलाई घटना मत्थर पार्न गरिएको प्रयासका रुपमा अनुमान गरिएको छ । यो घटनाको छानविन गर्न गृहमन्त्री बालकृष्ण खाँडले सुरक्षा निकायलाई निकायलाई निर्देशन दिएका छन् ।