काठमाडौँ । चर्चित टेलिभिजन कार्यक्रम ‘गरिवका लागि न्याय’ ले ८२ जना नयाँ वकिललाई अवसर दिने भएको छ । अधिवक्ताको प्रमाणपत्र लिई अदालती अभ्यास गर्ने अवसर नपाएका नयाँ वकिललाई प्राथमिकता दिएको कार्यक्रम संचालक विकल गिरीले जानकारी दिए । ७७ वटै जिल्लामा एक–एक जना र काठमाडौँमा थप पाँच जना नयाँ वकिललाई कार्यक्रममा आवद्ध गराउने गिरीले जानकारी दिए । इच्छुक वकिलले साउन २० गतेदेखि भदौ ३० गतेसम्म आवेदन दिन सक्नेछन् ।

मेघा न्युज नेटवर्क प्रालिद्वारा योहो टेलिभिजनमा संचालित गरिवका लागि न्याय कार्यक्रममा आएका विभिन्न कानुनी समस्या, देशभरका न्यायिक तथा अर्धन्यायिक निकायमा गई बहस, पैरवी तथा मिलापत्रलगाएतका काम गर्न ७७ वटै जिल्लामा वकिल आवश्यक परेको गिरीले बताए । शंखमुलस्थित मेघा न्युज नेटवर्क प्रालिको काठमाडौँ शंखमुलस्थित केन्द्रीय कार्यालय, मोवाइलत नं. ९८५१०३९०८५ वा इमेल [email protected] मार्फत सम्पर्क गर्न सकिने छ । अधिवक्ताको प्रमाणपत्र लिई अदालती अभ्यास गर्ने अवसर नपाएका नयाँ वकिललाई प्राथमिकता दिइने प्रालिले बताएको छ ।