काठमाडौं । प्रधानमन्त्री शेरबहादुर देउवाले राष्ट्रिय क्रिकेट टोलिका पूर्ब कप्तान पारस खडकालाई आगामी यात्राका लागि शुभकामना दिएका छन् । दुई दशकसम्म नेपाली क्रिकेटको बिकासमा पूर्ब कप्तान खडकाले गरेको योगदानप्रति धन्यवाद दिँदै प्रधानमन्त्री देउवाले आगामी यात्राका लागि शुभकामना दिएका हुन् ।

प्रधानमन्त्री देउवासँग भेट गर्न पारस शनिबार बालुवाटार पुगेका थिए । पारसले नेपाली क्रिकेटको बिकासका लागि प्रधानमन्त्रीको ध्यानाकर्षण समेत गराएका छन् । प्रधानमन्त्री देउवाले नेपाली क्रिकेटको बिकासका लागि हरसम्भब प्रयास गर्ने प्रतिबद्धता ब्यक्त गरेको कप्तान खडकाले जानकारी गराएका छन् । पारसले गत् साता मात्र अन्तर्राष्ट्रिय क्रिकेटबाट सन्यासको घोषणा गरेका थिए ।

सन्यासको घोषणापछि आयोजित पत्रकार भेटघाटमा पारसले क्रिकेट बिकासका लागि आफू नेपाल क्रिकेट संघमा आउने इच्छा ब्यक्त गरेका थिए । प्रधानमन्त्री देउवाले पूर्ब कप्तान खडकालाई आगामी यात्राका लागि शुभकामना दिएका हुन् । पारससँगको भेटपछि प्रधानमन्त्री देउवाले समेत आफ्नो ट्वीटरमा भेटघाटको तस्विर सार्वजनिक गरेका छन् ।