न्युयोर्क

फ्लोरिडा ओपन तेक्वान्दो प्रतियोगिताको १४औं संस्करण अन्तर्गत फ्लोरिडा ओपन अनलाईन तेक्वान्दो प्रतियोगिता – २०२१ सेप्टेम्बर ११-१२ मा अमेरिकाको फ्लोरिडामा सम्पन्न भएको छ । ओङ तेक्वान्दो स्कुलको (Ong’s Taekowndo Academy) आयोजनामा अमेरिकाको फ्लोरिडामा सम्पन्न प्रतियोगितामा नेपाल लगायत अमेरिका, अस्ट्रेलिया, स्वीट्जरल्याण्ड, फ्रान्स, फिलिपिन्स , स्लोभेनियाको सहभागिता थियो । पुम्से भर्चुअल स्पायरिडङ, स्पिड किकीड:, ब्रेकिङ, विपन्स र पाराको विघाहरुमा प्रतिस्पर्धा भएको थियो ।

नेपाली खेलाडी सन्जिव नेपालीले पुम्से पुरूष ३०-४० ऊमेर समुहमा ६.००० अंक सहित स्वर्ण पदक जित्न सफल, ४.९३४ अंकले अमेरिकाका क्लेभ कोलाडो रजत र त्यसैगरी पुरूष ४०-५० उमेर समुहमा प्रेमकुमार दर्नालले ट्रेडीस्नल पुम्सेमा ५.७०० अंक सहित स्वर्ण पदक जितेका छन भने स्पोर्ट पुम्से तर्फ ५.८१७ अंकका साथ रजत पदक जिते भने स्विट्जरल्याण्डका डी फ्रेईता फ्रान्कोले ६.५१७ अंक लिई स्वर्ण जितेका छन् ।

महिला ट्रेडीसनल पुम्से १८-३० ऊमेर समुहमा सन्दिपा अमगाई ५.४३३ अंक सहित रजत पदक जितिन भने फिलिपिन्सकी श्यन्लर सेडो ले ५.७०० ले स्वर्ण पदक जितेका छन् । त्यसैगरी सन्दीपाले स्पोर्टस पुम्से तर्फ ५.४५० अंक लिदै कास्य पदक जितिन भने अमेरिकाकी नतालीया मुनटोन ६.९६७ स्वर्ण पदक, फ्रान्सकी जाट्कोभीक टमाराले ६.१५० अंक सहित रजत पदक जितेका छन्
।