समाचार

हलेसी मन्दिर सर्वसाधारणको दर्शनका लागि खुला

खोटाङ । कोरोना भाइरसको महामारीका कारण चार महिनादेखि बन्द गरिएको त्रिधार्मिकधाम हलेसी मन्दिर सोमबारबाट सर्वसाधारणको अवलोकनका लागि खुला भएको छ । खोटाङ जिल्लामा कोभिड–१९ को सङ्क्रमणदर घट्दै गएको तथा सक्रिय सङ्क्रमितको सङ्ख्यासमेत न्यून रहेको पाइएपछि जिल्ला कोभिड सङ्कट व्यवस्थापन केन्द्र को आइतबार बसेको बैठकले मन्दिर खुलाउने निर्णय लिएको हो । मन्दिर ५ वैशाखदेखि बन्छ ।

अब मन्दिरमा स्वास्थ्य सुरक्षाको मापदण्ड पालना गरेर पूजाआजा गर्न पाइने भएको हो । महामारीपछि दैनिक बिहान र बेलुका हुँदै आएको नित्य पूजालाई मात्र निरन्तरता दिएर बन्द गरिएको थियो । ताला लगाएका अवस्थामा हलेसी दर्शनमा आएका दर्शनार्थी एवं तीर्थयात्रीले ढोका बाहिरबाटै दर्शन र पूजाआजा गरिरहेका थिए । अब भने भित्रै पुगेर दर्शन गर्न पाइने भएको हो ।

हलेसीसँगै जिल्लाका सबै मठमन्दिर, शक्तिपीठ, मस्जिद, गुम्बा र चर्चलगायतमा दैनिकरूपमा गरिने नित्य÷नैनित्य पूजा, प्रार्थनासहित पूजा, प्रार्थना, भजनकीर्तन, कलशयात्रा, बलिपूजाजस्ता धार्मिक कार्य खुला गर्ने निर्णय गरिएको छ । हलेसी नेपालकै चर्चित तीर्थस्थलमध्ये एक हो ।