काठमाडौं । आईसीसी क्रिकेट विश्वकप लिग टूमा नेपाललाई अमेरिकाले सजिलै हराएको छ । पहिलो खेलमा नेपाल विजयी भएको थियो । अमेरिकाले त्यसको बदला थियो । शुक्रबार राती सम्पन्न खेलमा नेपाल अमेरिकासँग ६ विकेटले पराजित भएको हो । खेल ओमानमा जारी छ । जारी सिरिजमा यो नेपालको दोस्रो हार हो । नेपाल ओमानसँग ५ विकेटले हारेको थियो । अल अमिरातमा पहिले ब्याटिङ गरेको नेपालले ४८ ओभरमा सबै विकेट गुमाउँदा मात्र १७४ रन जोड्न सक्यो ।

अमेरिकाले यो लक्ष्य २९.३ ओभरमा ४ विकेट गुमाएर भेट्टाउन सक्यो । अमेरिकाका लागि ओपनर स्टिभन टेलरले सर्वाधिक ९२ रन बनाए । नेपालका सन्दीप लामिछाने र करण केसीले २–२ विकेट लिए । टस हारेको नेपाललाई कप्तान ज्ञानेन्द्र मल्लले सर्वाधिक योगदान गरे । मल्ल व्यक्तिगत ५५ रनमा आउट भएका थिए ।