समाचार

ताइवानको हवाई क्षेत्रमा घुसे ३८ चिनियाँ विमान, बढ्दो तनाव

काठमाडौं । ताइवानको हवाई क्षेत्रमा चिनियाँ जहाजको उपस्थिति बढेसँगै दुई मुलुकबीच तनाव चर्किने संकेत देखिएको छ । ताइवानले आफ्नो हवाई क्षेत्रमा चीनले अहिलेसम्मकै ठूलो अतिक्रमण गरेको जनाएको छ । रोयटर्सका अनुसार ताइवानको दावि अनुसार ३८ वटा चिनियाँ लडाकु जहाज उसको आकासमा घुसेका हुन् । यस्तो काम दुई दुई पटक भइसकेको समेत ताइवानको आरोप छ । ताइवानले चीनबाट आफुमाथि निरन्तर अतिक्रमण भइरहेको बताउँदै आएको छ।

खासगरि ताइवानले दक्षिण(पश्चिमी क्षेत्रमा यस्तो समस्या रहेको बताएको छ । ताइवान नियन्त्रित प्रतास द्वीपमा चिनियाँ लडाकु विमान घुसेको उसको आरोप छ । ताइवान आफुलाई एक स्वतंत्र देश मान्छ । तर, चीन भने उसलाई आफ्नै भूभाग रहेको ठान्छ । ताइवानको रक्षा मंत्रालयले चीनका लडाकु विमानलाई आफ्नो मुलुकले समेत जवाफ दिएको बताएका छन् ।