काठमाडौं । दशैँ मान्न यस वर्ष ठूलो संख्यामा यात्रु बाहिरिएका छन् । गत वर्ष कोरोना भाइरसको महामारीका कारण रोकिएका धेरै नेपालीले यो वर्ष गाउँमा दशैं मान्दैछन् । शनिबारसम्म सात लाखभन्दा धेरै यात्रुले सडक मार्गबाट काठमाडौं उपत्यका छाडेको नेपाल यातायात व्यवसायी राष्ट्रिय महासङ्घले जनाएको छ । यो असोज महिनाको मात्र तथ्यांक हो । यसमा हवाईमार्ग र निजी सवारीमा बाहिरिनेको संख्या जोडिएको छैन । घटस्थापनापछि उपत्यका छाड्नेको संख्या ह्वात्तै बढेको हो । असोज ११ गतेदेखि अहिलेसम्म साढे ५ लाखभन्दा धेरै यात्रु काठमाडौंबाट बाहिरिएको प्रहरीको तथ्यांक छ ।
