न्युयोर्क

अमेरिकामा डेमोक्र्याटिक पार्टीको तर्फबाट राष्ट्रपति चुनिएको १ बर्ष पुरा नहुँदै बहुसंख्यक अमेरिकी जनता रिपब्लिकन पार्टी नै ठीक भन्न थालेका छन् । गत नोभेम्बरमा अत्यन्त बिवादास्पद पृष्‍ठभुमी र चरित्रका देखाएका रिपब्लिकन पार्टीका तात्कालिन राष्ट्रपति डोनाल्ड ट्रम्पलाई डेमोक्र्याटिक पार्टीको तर्फबाट बर्तमान राष्ट्रपति जो बाइडेनले बिजय हासिल गरेको एक बर्ष पुरा नहुँदै अमेरिकी जनता रिपब्लिकन तर्फ मोडिने संकेत गर्न थालेका हुन । उक्त कुरा अमेरिकी राजनीतिको सर्बेक्षणमा अब्बल मानिएको ग्यालपले प्रकाशित गरेको नयाँ आँकडाले बताएको हो । ग्यालपको नयाँ सर्बेक्षणका अनुसार अन्तर्रास्ट्रिय खतराबाट सुरक्षाका लागि ५४ प्रतिशत्त अमेरिकीले रिपब्लिकन ठीक भनेका छन् भने ३९ प्रतिशत अमेरिकीले मात्र डेमोक्र्याटिक पार्टीलाई विश्वाश गरेका छन्।
अमेरिकी सुख भोगका लागि ५० प्रतिशत अमेरिकीले रिपब्लिकनलाई विश्वास गरेका छन् भने ४१ प्रतिशतले मात्र यो बिषयमा डेमोक्र्याटिक पार्टी ठीक भनेको ग्यालपको नयाँ सर्बेक्षणले जनाएको छ । यि दुबै बिषयमा आएको सर्बेक्षणको नतिजा रिपब्लिकन पार्टीका लागि सन् २०१५ र २०१४ पछाडिको सबैभन्दा उच्च भएको ग्यालपले जनाएको छ ।
सर्बेक्षण गत सेप्टेम्बर १ देखि १७ भित्र गरिएको हो ।