काठमाडौं । भारती पताञ्जली योग पीठका सञ्चालक तथा योग गुरु रामदेव र आचार्य बालकृष्ण पतन्जली नेपालको कार्यक्रममा भाग लिन काठमाडौं आएका छन् । सोही क्रममा योगगुरु रामदेव र आचार्य बालकृष्ण बिहीबार नेकपा माओवादी केन्द्रका अध्यक्ष पुष्पकमल दहाल प्रचण्ड निवास पुगेका छन् ।

उनीहरुले प्रचण्डसँग भेटघाट गर्नुका साथै प्रचण्डपत्नी सीता दाहालको स्वास्थ्य अवस्थाबारे समेत जानकारी दिएको प्रचण्ड पुत्री गंगा दाहालले उल्लेख गरेकी छिन् । भेटमा उनीहरुले सीताको स्वास्थ्य लाभको कामना गरेम गरेका छन् । रामदेव र आचार्य बालकृष्ण शुक्रबार पतन्जली नेपालको कार्यक्रममा सहभागी हुनेछन् । जहाँ मूख्य अतिथि प्रधानमन्त्री शेरबहादुर देउवा रहने छन् ।