काठमाडौं । पछिल्लो २४ घण्टामा देशभर २५९ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ७ हजार २३१ जनाको पीसीआर परीक्षण गर्दा २४३ जना र २६५७ जनाको एन्टिजेन परीक्षण गर्दा १६ गरी २५९ जनामा कोरोना भाइरसको संक्रमण देखिएको हो ।

योसँगै नेपालमा कोरोना संक्रमितको संख्या ८ लाख २१ हजार १२१ जना पुगेको छ ।

पछिल्लो २४ घण्टामा २६४ जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख २ हजार ६५३ पुगेको छ । संक्रिय संक्रमितको संख्या ६ हजार ९४४ रहेको छ ।

पछिल्लो २४ घण्टामा १ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ११ हजार ५२४ पुगेको छ ।