काठमाडौं । गायिका समीक्षा अधिकारी लामो समयपछि सामाजिक सञ्जालमा फर्किएकी छन् ।

दुई महिना ११ दिनपछि अधिकारीले आफ्नो भेरिफाइड फेसबुक पेजमा आफूले माया गर्ने व्यक्तिका लागि जे पनि गर्न तयार भएको अभिव्यक्तिसहित सामाजिक सञ्जालमा ‘कमब्याक’ गरेकी हुन् ।

‘तिमीलाई माया गर्छु र त मर्न सक्छु, मार्न सक्छु
तिम्रो लागि आफैँलाई दुःखमा पार्न सक्छु
“तिम्रो जितमा उत्सव मनाउने मान्छे हुँ म
त्यसैले तिम्रो लागि सधैँ म हार्न सक्छु ।’ उनले फेसबुकमा लेखेकी छन् ।

उनको पछिल्लो स्टाटस पछिल्लो घटनाक्रमलक्षित भएको अनुमान गरिएको छ । उनको यो पोस्टलाई लिएर सामाजिक सञ्जालमा टिप्पणी भइरहेका छन् ।

उनी पछिल्लो समय जीवनको कठिन क्षणबाट गुज्रिएकी छन् र उनको यो स्टाटसले प्रेमभित्र आशावाद चित्रण गर्छ ।