काठमाडौं । नेपाल र जिम्बाब्वे ‘ए’ बीचको दोस्रो एक दिवसीय खेल अहिले जारी छ । नेपालले टस जितेर बलिङ रोजेको छ । कीर्तिपुर मैदानमा टस जितेर नेपालले पहिला फिल्डिङ रोजेपछि जिम्बाब्वे ‘ए’ टोलीले ब्याटिङमा उत्रिएको छ हो । शुरुवातमै नेपालले चार विकेट लिँदै जिम्बाब्वेलाई दवावमा राख्न सफल भएको छ ।नेपालले ७ ओभरको बलिङमा चार विकेट झार्दा जिम्बाब्वेले २५ रन मात्र जोडेको छ । नेपालका लागि सोमपाल कामी र करण केसीले दुई–दुई विकेट लिएका छन् ।

नेपालले आजको खेलमा दुई खेलाडी परिवर्तन गरेको छ । स्पिनर सुशान भारी र आदिल अन्सारीलाई बेन्चमा राखिएको छ । सुनिल धमला र विनोद भण्डारीलाई खेलमा मौका दिइएको छ। शुक्रबारको पहिलो एक दिवसीय खेलमा नेपाल ३ विकेटले हारोको थियो । तीन एक दिवसीयको श्रृङ्खलामा जिम्बाब्वको जित रोक्न समेत नेपालले आजको ेल जित्नै पर्छ । नेपाल अहिले आईसीसी पुरुष क्रिकेट विश्व कप लिग २ अन्तर्गत अमेरिकामा हुने त्रिदेशीय एक दिवसीय श्रृङ्खलाको तयारीमा छ ।