कश्मीर । भारतको कश्मीर राज्य अमरनाथ गुफानजिकै भीषण वर्षा र त्यसले निम्त्याएको बाढीका कारण कम्तिमा १३ जनाको मृत्यु भएको छ । केही मानिसहरु बेपत्ता भएका आशङ्कामा खोजी कार्य भइरहेको छ । बाढी आएका बेला गुफा आसपासमा झन्डै १० हजार मानिस रहेको अनुमान गरिएको छ । त्यहाँ अस्थायी शिविरमा मानिसहरु बसेका थिए ।

बाढीका बेला मानिसको भागाभाग भएको थियो । बाढीले भौतिक संरचनाहरु समेत बगाएको छ । अमरनाथ गुफामा जुन महिनादेखि तीर्थयात्रा सुरु हुन्छ । यसअघि सन् १९९६ मा हिम पहिरोमा परेर २ सय ५० जनाभन्दा बढी तीर्थयात्रीले ज्यान गुमाएका थिए । घटनापछि प्रधानमन्त्री नरेन्द्र मोदीले दुख व्यक्त गरेका छन् ।