फिचर

अमेरिकी एनआरएनएमा तेश्रो धार

बिष्णु सिंह\न्युयोर्क । गैरआवाशीय नेपाली संघ अन्तररास्ट्रिय समन्वय परिषद शेस घले पक्षले पनि अमेरिकी राष्ट्रिय परिषद गठन गरेसंगै न्युयोर्कमा एक पत्रकार भेटघाट तथा अन्तर्कृया आयोजना गरिएको छ । गैर आवासिय नेपाली संघ केन्द्रदेखी नै फुटे सँगै विभिन्न देशमा राष्ट्रिय परिषद फुट्ने क्रम जारी छ । एनआरएनए घले पक्षले अमेरिकामा सुर्य लम्सालको नेतृत्वमा ३५ जना संम्मिलित समिति घोषणा गरेको छ ।

समिति घोषणा सँगै १९ तारिखमा न्युयोर्कमा अन्तर्कृया गरिएको हो । अन्तर्कृयामा अमेरिकाका अर्का एनआरएनए अध्यक्ष बुद्धी सागर सुबेदीलाई आफुहरु आफ्नो समुहमा जोडीन पटक पटक अनुरोध गर्दा समेत वास्ता नगरेपछी सुबेदीसगै निर्वाचनमा प्रतिस्पर्धा गरेर उपबिजयता बनेका सुर्य लम्सालको नेतृत्वमा अमेरिकि राष्ट्रिय परिषद गठन गरिएको जानकारी गराइयो । अमेरिकामा आफु खुशी राष्ट्रिय परिषद घोषणा गर्ने क्रम पछिल्लो पटक बढ्दै गएको छ । सुर्य लम्साल नेतृत्वमा घोषणा गरिएको यो एनआरएन तेश्रो धार हो ।

स्थानिय ज्याक्सन हाईट्स थकाली किचेनमा आयोजित अन्तर्कृयामा आयोजकले एनआरएनमा साँचो अर्थमा काम गर्ने नेतृत्व ल्याउनै पर्ने कुरामा जोड दिइयो । यस अगाडि एनआरएन अन्तर्गत विभिन्न पदमा बसेर काम गरी सकेका सोनाम लामाले एनआरएनमा केहि लिनु नभएर दिने मात्र आफ्नो लक्ष्य रहेको बताए । त्यसैले साचो अर्थमा एनआरएनमा काम गर्ने नेतृत्व ल्याउन जरुरी रहेको उनको भनाई छ ।

आयोजकले बिशेषत अन्तर्कृया कार्यक्रममा नयाँ समिति गठनको आवश्यकताबारे प्रस्ट पार्दै एनआरएन मुभमेण्टमा अमेरिकी एनआरएन अत्यन्त आवश्यक रहेको बताए । अन्तर्कृया कार्यक्रममा उपाधक्ष्य बिआर लामा र उत्तर अमेरिका क्षेत्रीय सयोजक कृष्ण पोखरेललयायत उपस्थित थिए ।