काठमाडौं । इंग्ल्याण्ड विश्वकप फुटबलको क्वाटरफाइनल पुगेको छ । सेनेगलमाथि ३–० गोल अन्तरको जित निकालेको इंग्ल्याण्डले फिफा विश्वकपमा यात्रा जारी राखेको छ । अब उसको भेट क्वाटरफाइनलमा साविक विजेता फ्रान्ससँग हुनेछ । दोहास्थित अल बायेट रंगशालामा इंग्लिस टिम सुरुवातमा केही कमजोर देखिएको थियो । ३८औं मिनेटमा जोर्डन हेण्डरसनले गोल गर्दै टिमलाई अग्रता दिलाए ।
पहिलो हाफ सकिनु केहि सेकेण्डअघि कप्तान ह्यारी केनले टीमको अग्रता दोब्बर पारे । ५७औं मिनेटमा इंग्ल्याण्डका लागि अन्तिम गोल बुकायो साकाले गरे । इंग्ल्याण्डले सन् १९६६ मा विश्वकप उचालेको हो ।
