काठमाडौं । कतारमा जारी फिफा विश्वकप २०२२ मा आजबाट क्वाटरफाइनलका खेल हुँदैछन् । शुक्रबार पहिलो र शनिबार बिहान दोस्रो क्वाटरफाइनल खेल हुनेछ ।
पहिलो क्वाटरफाइनल क्रोएसिया र ब्राजिलबीच राति पौने ९ बजे सुरु हुनेछ । खेल एजुकेसन सिटी स्टेडियममा हुनेछ । मध्यराति पौने १ बजे सुरु हुने दोस्रो क्वाटरफाइनलमा नेदरल्याण्ड्स र अर्जेन्टिना भिड्नेछन् ।

यी दुबै खेलबाट दुई दक्षिण अमेरिकी महारथी अर्जेण्टिना र ब्राजिलको भाग्य तय हुनेछ । आजको दुई विजेता टोली सेमिफाइनल पुग्नेछन् । अर्जेन्टिना र नेदरल्याण्ड्स बीच पछिल्लो पटक सन् २०१४ मा ब्राजिलमा भएको विश्वकपमा सेमिफाइनलमा भेट भएको थियो । जसमा अर्जेन्टिना पेनाल्टी सुटआउटमा विजयी भएको थियो ।