चलचित्र हलले पाएनन् विश्वकपको प्रत्यक्ष प्रसारणको अधिकार
Vishwanews.com
09 December, 2022
4.2k shares
काठमाडौं । चलचित्र विकास बोर्डले फ्लिम हलमा विश्व कपका खेल प्रदर्शन गर्न रोक लगाएको छ । कतिपय फ्लिम हलले नियमित चलचित्र प्रदर्शनको समयमा विश्व कप फुटबल प्रतियोगिताको प्रसारण गर्न लागेको बुझिएको भन्दै बोर्डले हलहरूलाई पत्राचार गरेको हो । बोर्डले नियमअनुसार फ्लिममात्र प्रदर्शन गर्न हलहरूलाई निर्देशन दिएको छ ।
बोर्डका अध्यक्ष भुवन केसीले गरेको पत्राचारमा कतिपय चलचित्र घरहरूले आफ्नो वेबसाइटमार्फत शो समयसमेत खुलाएको देखिएको भन्दै ध्यानाकर्षण भएको उल्लेख गरिएको छ । बोर्डले पत्रको बोधार्थ जिल्ला प्रशासन कार्यालय र नेपाल चलचित्र सङ्घलाई पनि गराएको छ ।
