काठमाडौं । विश्वकपपछि पहिलो पटक लियोनल मेसी मैदानमा उत्रिएका छन् । उनले विश्वकप पछिको पहिलो खेलमा पनि गोल गर्न सफल भए । उनको क्लव पिएसजीले फ्रेन्च लिग वानमा सहज जित निकालेको छ। गतराति एन्जर्सविरूद्ध घरेलु मैदानमा पिएसजीले २–० को जित निकाल्ने क्रममा मेसीले गोल गरेका हुन् । पिएसजीको जितमा मेसी र ह्यूगो इकिटिकेले गोल गरे।

पाँचौ मिनेटमा इकिटिकेले गोल गर्दै पिएसजीलाई सुरूआती अग्रता दिलाए । पहिलो हाफसम्म १–० ले अघि रहेको पिएसजीले दोस्रो हाफमा अग्रता दोब्बर पारेको हो । ७२ औं मिनेटमा मेसीले गोल गरेका हुन् । एम्बाप्पे बिदामा रहेका कारण खेलमा उपस्थित थिएनन् ।