काठमाडौं \ एजेन्सी । हिमआँधीका कारण सोमबार अमेरिकामा हवाई सेवा नराम्रोसँग प्रभावित भयो । अन्तर्राष्ट्रिय सञ्चारमाध्यमहरुका अनुसार सोमबार मात्र १ हजार भन्दा बढी हवाई उडान रद्द भएका छन् । यसमा अत्यधिक उडान संखया साउथ वेस्ट एयरलाइन्सका छन् । सो कम्पनीले कुल रद्द भएका उडानमध्ये आधा भन्दा धेरै उडान रद्द गर्नु परेको बताएको छ ।

फ्लाइट ट्रयाकिङ सर्भिसका अनुसार अमेरिकामा सोमबार साँझ ६ बजेसम्म १ हजार १९ वटा उडान रद्द भएका थिए । अमेरिकन एयरलाइन्स ग्रुपका २ सय उडान रद्द भए । मंगलबार समेत ७९७ उडान रद्द हुन सक्ने बताइएको छ । अमेरिकामा यो महिना भर नै मौसमले हवाई सेवामा निरन्तर चूनौति दिइरहेको छ । यस मौसममा यात्रुलाई आकर्षित गर्न वायुसेवा कम्पनीहरुले अमेरिकामा छूट अफर ल्याउने गर्छन् ।