काठमाडौं । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच बालकोटमा भेटवार्ता भएको छ । प्रचण्ड ओलीको बालकोटस्थित निवासमा पुगेका छन् । भेटमा समसामयिक राजनीतिक परिस्थिति, राष्ट्रपति निर्वाचन, मन्त्रिपरिषदलाई पूर्णता दिने लगायतका विषयमा छलफल भइरहेको बताइएको छ ।

राष्ट्रपति आफूले पाउनुपर्ने र गृह मन्त्रालय राष्ट्रिय स्वतन्त्र पार्टीलाई दिनुपर्ने अडान एमालेको छ । गृह मन्त्रालय नपाएपछि रास्वपा सरकारबाट बाहिरिएको छ ।
सभामुख र केही महत्वपूर्ण मन्त्रालय पाइसकेको नेकपा एमालेले राष्ट्रपति पद आफूले लिन प्रयास गरिरहँदा कांग्रेस समेत राष्ट्रपति पदको दौडमा छ । प्रचण्ड आफ्नो रोजाइको व्यक्ति राष्ट्रपति बनेको हेर्न चाहन्छन् ।