ढाका । बंगलादेशको ढाकास्थत गुलिस्ता इलाकामा भएको एक विस्फोटमा कम्तिमा १५ जना मारिएका छन् । १ सय भन्दा धेरै मानिस घाइते भएका छन् । घटना ढाकाको उत्तर–दक्षिण रोडको सिद्दीकी बजारमा भएको हो । मंगलबार साँझ ५ बजे विष्फोट भएको थियो । अहिलेसम्म नौ पुरुष र र्दु महिलाको सनाखत भएको छ ।
घाइतेलाई ढाका मेडिकल कलेज अस्पतालमा उपचार गराइएको छ । विष्फोटबाट ७ तले घर ध्वस्त भएको छ । आसपास रोकिएका सवारी साधनका शिसा फुटेका थिए । आइतबार मात्र ढाकामा भएको यस्तै प्रकारको विष्फोटमा तीन जना मारिएका थिए । शनिबार अक्सिजन प्लान्टमा भएको विष्फोटमा ६ जना मारिएका थिए ।
