काठमाडौं । निजी इन्टरनेट सेवा प्रदायक वर्ल्डलिंकले दुई विदेशी कम्पनी मार्फत झण्डै दुई अर्ब बराबरको विदेशी लगानी भित्र्याएको छ । सोमबार पत्रकार सम्मेलन गरेर कम्पनीले दुई विदेशी कम्पनी मार्फत १ अर्ब ९८ करोड रुपैयाँ विदेशी लगानी भित्र्याएको जानकारी दिएको हो । वर्ल्डलिंकमा ब्रिटिस इन्टरनेश्नल इन्भेष्टमेन्ट ९बीआईआई०बाट एक अर्ब २० करोड र डोल्मा इम्प्याक्ट फण्डबाट ९० करोड रुपैयाँ लगानी भित्र्याइएको वर्ल्डलिंकले जनाएको छ ।

यससँगै वर्ल्डलिंककमा विदेशी लगानी ३ अर्ब ३३ करोड रुपैयाँ पुगेको छ । यसअघि सन् २०१९ को अक्टोबरमा वर्ल्ड लिंकले बीआईआईबाट १ अर्ब ३५ करोड रुपैयाँ लगानी भित्र्याएको थियो । थप लगानीले थप एक हजार रोजगारी सिर्जना हुने वर्ल्डलिंकले जनाएको छ ।