(गीत सहित)

न्यूयोर्क

पछिल्लो समय सिने पत्रकार प्रकाश सुबेदीको “द प्रकाश सुबेदी शो” को अन्तर्वार्तापछि अडान र आत्मविश्वासको उपमा पाएकी गायिका समिक्षा अधिकारीको आफ्नै जीवनसापेक्ष गीत ‘म चन्द्रमा हुँ’ चर्चामा चुलिएको छ ।

गीतकार जीवनदास सुनारले गीतमा पल-समिक्षा काण्डपछि जनमानसमा समिक्षाउपर परेको भ्रमलाई समेत चिर्न खोजेको छ । गहनभाव पोख्न सिपालू गीतकार सुनारले यसपटक सही मौकामा सान्धर्विक शब्दशिल्पि कोरेका छन् । गजलशैलीको गीतलाई संगितकार बिजया अधिकारी र एरेन्जर राजु कार्कीको सांगितिक समुहले सुमधुर बनाउन मेहेनत गरेको प्रतित हुन्छ ।

गत २९ मे, सोमबार संगीतकार बिजयको युट्यूब मार्फत सार्वजनिक भएको गीतको “आफ्नै ईज्जत लिलाम गरें, तिम्रो लागि जिउँदै मरें” गीति अंश टिकटकमा भाइरल बनेपछि गीतले पहिलो दिनमा नै झण्डै मिलियनको लक्ष तय गर्ने संकेत देखाएको छ ।

गीत बिषयक छोटो कुराकानिमा गीतकार जीवनदासले प्रकाश सुबेदी शो हेरेपछि समिक्षाकै लागि शब्दहरू कोरेको बताएका छन् ।