न्यूयोर्क। जिपी कोईराला फाउण्डेशनका अध्यक्ष सोमनाथ घिमिरे घाना र न्यूयोर्कमा सम्मानित भएका छन् । न्युयोर्कस्थित साउथ एसियन समुदायको सबै भन्दा पुरानो संस्था न्यु( अमेरिकन डेमोक्रेटिक क्लब लगायत न्यु अमेरीकन युथ फोरम र न्यु अमेरिकन ओमेन्स फोरमले विशिष्ट व्यक्तिलाई सम्मान गरेको हो । सो क्रममा न्युयोर्कमा आयोजित एक कार्यक्रममा घिमिरेलाई साउथ एशियन एक्टिभिष्ट अफ द एअर प्रदान गरियो ।

न्युयोर्क कुईन्सस्थित जमैका हिलसाईडको ताजमहल पार्टी प्यालेसमा आयोजित कार्यक्रममा सम्मान गरिएको हो । सम्मान कार्यक्रममा नेपाली समुदायबाट घिमिरे सम्मानित भएका हुन् । घिमीरेले फाउन्डेशनमार्फत समाजमा पुर्याएको योगदान र अमेरिकामा दक्षिण एसियाली समुदायमा शान्ति र प्रगतिको साथ विविधतामा एकताको पुल निर्माण गरेको भन्दै सम्मान गएिको हो ।

आयोजक संस्थाका अध्यक्षहरू क्रमशःमोर्सद आलम,रूवीयन रहमन् र आहानाफ आलमले घिमिरेलाई सम्मान गरे । फाउण्डेशनका अध्यक्ष घिमिरे भर्खरै अफ्रिकी देश घानामा मानवीय पुरस्कार ग्लोबलद्वारा सम्मानित भएका थिए । सम्मान गत १४ तारिक आईतबार गरिएको हो ।

कार्यक्रममा कांग्रेस ओमन ग्रेस मिंगले घिमिरेलाई छुट्टै सम्मानपत्रद्वारा सम्मान गरेकी थिईन । डिनर सहित आयोजित कार्यक्रममा प्रमुख अतिथि माननीय कंग्रेसओमेन ग्रेस मींग न्युयोर्कका सिनेटर ज़ोन लु, लेरोय काम्री, न्यु योर्कका ऐसेम्बली मेम्बर क्रमशः स्टिभन रागा, जोहरन मम्दानी र अलिसीया हाईन्डमान, न्यु(योर्क शहरको काउन्सिल मेम्बर क्रमशः शेखर कृष्णन, लिण्डा लि र सान्ड्रा आगं लगायत उपस्ुिथत थिए ।

अमेरिकी नेपाली, वंगलादेशी, भारतीय, पाकिस्तानी, श्री लंकान भुटानिस र अफगानी र गायनीज लगायत दक्षिण एशियाई मुलुकका सक्रिय व्यक्तिहरु कार्यक्रममा उपस्थित थिए । कार्यक्रममा फाउन्डेशनका उपाध्यक्ष सुवर्ण लामा, प्रवक्ता रामचन्द्र अधिकारी, सदस्यहरू राजीव बतास, शेखर कार्की, गीता अधिकारी, कवि र साहित्यकार कमला प्रशांई, बाल कवि कविन बिक्रम शाह, समाजसेवीहरू कमला पन्त, किरण पौडेल, पुर्व सांसद विजुल विश्वकर्मा, नेपाली अमेरिकन कलाकार संघकी अध्यक्ष नीशा सुनार उपस्थित थिइन् ।

साथै, नेपाली अमेरिकन कलाकार संघकी वरिष्ठ उपाध्यक्ष वसन्ती राई, लोक गायिका संगीता थापामगर, वरिष्ठ लोक गायक बिमल डांगी, वरिष्ट हास्यकलाकार महादेव त्रिपाठी, १८ औं पटक गिनिज बुक अफ वर्ल्ड रेकर्ड्स विजेता पार्कर दिनेश सुनार, गायक सुवर्ण शाक्य लगायत दर्जनौं नेपाली समाजिक अभियन्ता तथा कलाकार उपस्थित थिए । कार्यक्रममा फिलीपिनो नृत्य र नेपाली नृत्य एवं प्रहशन गरिएको थियो ।