समाचार

गैरकानूनी शूल्क फिर्ता नगरे मेडिकल कलेज संचालकलाई बुधबारबाट पक्राउ

काठमाडौं । सोमबार साँझ समय माग्दै गैरकानूनी शूल्क फिर्ता गर्ने प्रतिवद्धता जनाएका मेडिकल कलेज संचालकले मंगलबार त्यसतर्फ चासो देखाएनन् । सोहीअनुसार शूल्क फिर्ता नगर्ने कलेज संचालकमाथि कारवाही गर्ने तयारी गृह मन्त्रालयले गरेको छ । मंगलबार साँझ गृह मन्त्रालयमा सर्वदलीय बैठक बसेको थियो । मेडिकल कलेजले गैरकानूनी रुपमा उठाएको शूल्क फिर्ता नभएपछि कलेज सञ्चालकलाई बुधबारबाट कारबाही थाल्ने निर्णय बैठकले गरेको छ । बुधबारदेखि विद्यार्थीबाट जाहेरी लिने र सञ्चालकलाई पक्राउ गरी कानूनी कारबाही थाल्ने निर्णय बैठकले गरेको छ । मेडिकल कलेजलाई सरकारले १५ दिनको अल्टिमेटम यस अघि दिएको थियो । त्यसपछि सोमबार २४ घण्टाको समय दिँर्दै सहमति पनि गरेको थियो । तर, मेडिकल कलेजले तोकिएको समयमा शूल्क फिर्ता गरेनन् ।