२६ भदौ, काठमाडौं । राष्ट्रपति रामचन्द्र पौडेलले संवैधानिक दायरामा रहेर निकास दिनका लागि आफूले प्रयासरत रहेको बताएका छन् । उनले आज एक वक्तव्य जारी गरेर उनले यस्तो बताएका छन् । ‘देशको अहिलेको विषम परिस्थितिमा मुलुकलाई संवैधानिक दायरामा रहेर कसरी निकास दिन सकिन्छ र मुलुकमा लोकतन्त्रको संरक्षण तथा शान्ति सुव्यवस्था कसरी कायम गर्न सकिन्छ भनेर म विचार विमर्श एवं हर प्रयास गर्दैछु,’ उनले वक्तव्यमा भनेका छन् ।

सामाजिक सञ्जालमा भने उनको खोजी भइरहेको छ । प्रधानमन्त्री चयनमा सेना सक्रिय भएको र राष्ट्रपति गायव भएको भन्दै उनको खोजी भएको हो । उनको भिडियो वक्तब्य आउनु पर्ने माग समाजिक संजालमा भइरहेको छ ।