विश्व

नयाँ भारतीय वायुसेवा भिस्ताराले नेपाल उडान थाल्यो

काठमाडौं । भारतीय वायुसेवा कम्पनी भिस्तारा एयरलाइन्सले काठमाडौं उडान थालेको छ । मंगलबारदेखि यो कम्पनीले दिल्ली-काठमाडौं रुटमा उडान थालेको हो । टाटा ग्रुप र सिंगापुर एयरलाइन्सको ज्वाइन्ट भेन्चरमा खुलेको यो कम्पनीको काठमाडौं पाँचौ अन्तर्राष्ट्रिय गन्तब्य हो । कम्पनीले पहिलो उडान सिंगापुरमा गरेको थियो । जहाजमा प्रिमियम र इकोनोमी क्लासका सीट राखिएको छ । दिल्लीबाट काठमाडौं राउण्ड ट्रिप फेयर इकोनोमी क्लासको ९ हजार ९ सय ९ र बिजनेस क्लासको ३९ हजार ९ सय ९९ भारू टिकट दर भाडा राखिएको छ । काठमाडौंबाट दिल्ली जाँदा र फर्कदा इकोनोमी क्लासमा १६ हजार ९ सय ९९ र बिजनेस क्लासको ६१ हजार ९ सय ९९ भारू राउण्ड ट्रिप फेयर रहने कम्पनीले जनाएको छ । भिस्ताराले भारतको आन्तरिक बजारमा भने ठूलो सनाल बिस्तार गरेको छ ।