दीपकराज पाण्डे, न्युयोर्क ।
अन्तर्राष्ट्रिय नेपाली साहित्य समाज न्युयोर्क च्याप्टर (अनेसास) ले क्वीन्सको ज्याक्सन हाईटस्थित नेपाली भान्छा घरको सभा हलमा अंग्रेजी नयाँ सालको शुभकामना आदान -प्रदान कार्यक्रम सम्पन्न गरेको छ ।
नेपाली साहित्य समाज न्युयोर्क च्याप्टरले आयोजना गरेको कार्यक्रम खासगरी अनेसास स्थापना दिवस र ॲग्रेजी नयॅा सालको शुभकामना आदान -प्रदान कार्यक्रम तथा पृथ्वी जयन्ति समेत मनाएको हो ।

नेपाली र अॅग्रेजी राष्ट्रियगानबाट शुरूवात गरिएको कार्यक्रमको सभापतित्व च्याप्टरका अध्यक्ष श्री जानुका वस्ती ढकालले गर्नुभएको थियो भने
प्रमुख अतिथ्यता लामो समयदेखि नेपाली भाषा – साहित्यलाई योगदान दिॅदै आउनुभएकी न्युयोर्क च्याप्टरकै पूर्व उपाध्यक्ष साहित्यकार श्री सीता खरेलज्यूले गर्नुभएको थियो । विशेष अतिथिमा पातालको गर्तमा, युगका आवाजहरू, शून्यबाट शुरू कथा संग्रहका सर्जक तथा हाल अनेसास बीओटी कार्य समिति सदस्य समालोचक रश्मी भट्टज्यू हुनुहुन्थ्यो । मञ्चमा आसिन उहाँहरूकै हातबाट दीप प्रज्वलन गरेर कार्यक्रम अधि बढेको थियो ।

च्याप्टर उपाध्यक्ष नदिया लिवाङ्को स्वागत मन्तव्यबाट शुरु भएको कार्यक्रममा बियोटी पूर्व अध्यक्ष तथा हालका सल्लाहकार गीता खत्रीज्यूले ३५ औं अनेसास दिवसको शुभकामना साथै न्युयोर्क च्याप्टरका गतिविधिहरूको बारेमा प्रकाश पार्दै आवश्यक सल्लाह सुझाव दिनुभएको थियो ।

त्यसैगरी पृथ्वी जयन्तिको लगत्तै भोलिपल्ट परेको उक्त कार्यक्रममा साहित्यकारहरूले श्री ५ पृथ्वी नारायण शाहको एकताको सन्देश पनि आ आफ्नो सृजना र मन्तव्यबाट सम्प्रेषण गर्नुभएको थियो। यसैक्रममा केन्द्रिय पूर्व उपाध्यक्ष राजेन्द्र श्रेष्ठले पनि आफ्नो छोटो मन्तव्य, नयॅा वर्ष शुभकामना साथै राष्ट्रनायक श्री ५ पृथ्वीनारायण शाहलाई कवितात्मक शैलीबाट भावव्यक्ति पस्कनु भएको थियो ।

त्यसैगरी अन्तराष्ट्रिय नेपाली साहित्य समाजका केन्द्रिय सदस्य तथा न्युयोर्क च्याप्टरका पूर्व अध्यक्ष शकुन ज्ञवालीले शुभकामना सन्देशमा एकता दिवसले सबैलाई एक बनाउन सकोस् भन्ने अभिव्यक्ति दिनुभएको थियो । यसै क्रममा च्याप्टरका सचिव विष्णु हरि भण्डारीको
समसामयिक गजलले कार्यक्रमकको रौनक थपेको थियो।

त्यस्तै शुभकामना तथा रचनावाचनकै क्रममा
केन्द्रका पूर्व कोषाध्यक्ष तथा न्युयोर्क च्याप्टरका पूर्व अध्यक्ष साहित्यकार विकाश विष्ट, पूर्व अध्यक्ष साहित्यकारहरू पूनम काफ्ले, राजन महर्जन, निवर्तमान अध्यक्ष साहित्यकार लक्ष्मी श्रेष्ठ, साहित्यकारहरू कमला प्रसाई, कुन्ती थापा, च्याप्टर सदस्य साहित्यकार शारदा क्षेत्री लगायत अन्य सर्जकहरू राम खत्री, किरण काफ्ले, तुलसी एन चित्रकार, जीवन तिमल्सिना, विक्रम राउत , यशोदा गिरी वस्ती, सुधा तुलाधर थापाले शुभकामना मन्तव्य, कविता, हाईकु, गजल, मुक्तक जस्ता सृजना मार्फत कतै सामाजिक व्यथितिलाई उजागर गरेका थिए ।
प्रवासमा रहेर पनि नेपाली भाषा साहित्यको जगेर्नाको लागि निरन्तर रूपमा सकृय हुनुभएको भन्दै उहॅाको योगदानको कदर गर्दै च्याप्टरको तर्फबाट अध्यक्षले प्रमुख अतिथि साहित्यकार श्री सीता खरेललाई दोसल्ला ओढाएर सम्मान-पत्र प्रदान गर्नु भएको थियो । नयॅा कार्यसमितिको पहिलो कार्यक्रममा निवर्तमान अध्यक्ष लक्ष्मी श्रेष्ठलाई आफ्नो कार्यकाल अत्यन्त कुशल ढंगले संचालन गरि नयाँ कार्यसमितिलाई हस्तान्तरण गर्नुभएकोमा च्याप्टरले दोसल्ला ओडाएर बिदाई गरेको थियो ।

त्यसैगरी हालको समयमा अत्यन्तै चर्चित भैरहेको ‘निलो प्रेम ‘उपन्यास का सर्जक पुरुषोत्तम बज्गाईलाई उहॅाको पहिलो कृतिले पाठकको मन छुन सफल र नेपाली भाषा साहित्यको अभिवृद्दिमा दरिलो ईटा थपिएको भन्दै दोसल्ला ओढाएर सम्मान गर्नुको साथै बधाई र शुभकामना व्यक्त गरिएको थियो ।
न्युयोर्कको बढ्दो चिसो मौसममा पनि सर्जकहरूको बाक्लै उपस्थिति रहेको कार्यक्रममा साहित्यप्रेमीहरू न्युयोर्क च्याप्टर पूर्व कोषाध्यक्ष बेदा खरेल , हाल कोषाध्यक्ष पुष्पा अधिकारी, ललिता थापा, भगवती खनाल, पेसल ढकाल , विष्णु सिङ, निलमणी खरेल , राजेन्द्र ढकाल, मिस्का वस्ती, बासुदेव घिमिरे, अनन्त घिमिरे, गितान्जली , अर्भव ढकाल, अभ्याना ढकाल, मिस्री थापा आदीको उपस्थिति रहेको थियो ।

च्याप्टर महासचिव निरू न्यौपानेले कुशल र सिर्जनात्मक ढंगले सन्चालन गरेको कार्यक्रममा अध्यक्षले अतिथिहरूलाई धन्यवाद व्यक्त गर्दै कार्यक्रम समापन भएको घोषणा गर्नु भएको थियो ।