दुबई । दुबईस्थित नेपाली महावाणिज्यदूतावासले सेप्टेम्बर २० मा यूएईमा लामो समयदेखि बस्दै आएका नेपाली अग्रजसँग अनुभव आदानप्रदान तथा छलफल गरेको छ । सन् १९८० र १९९० को दशकमा नेपालबाट यूएई पुगेका अग्रजसँगको छलफलमा उनीहरुले देखेको यूएईको विकासक्रम, नेपाली समुदायमा पु¥याएको योगदान र लामो समयको अनुभवबारे चर्चा गरिएको थियो । यूएईको विकासबाट नेपालले सिक्न सक्ने अभ्यास तथा नेपाली समुदायका समसामयिक विषयमा पनि छलफल भएको थियो । कार्यक्रममा दुबईस्थित नेपाली महावाणिज्यदूतावासले एक वर्षमा प्रदान गरेका सेवा तथा कार्यसम्पादनबारे समेत जानकारी आदानप्रदान गरिएको थियो ।

छलफलमा शारदा भट्टराई (राजु, १९८२), मुक्ति राई (१९८७), कृष्णबहादुर ढकाल (१९९४), कृष्णप्रसाद आचार्य (१९९२), मोहन शर्मा (१९९७), मनिल श्रेष्ठ (१९९१), दिलबहादुर पुन मगर (१९९७), किरण वज्राचार्य (१९९२) र लालबहादुर ढेंगा (१९९६) सहभागी थिए । ३० वर्षभन्दा बढी यूएईमा बिताएका चन्द्रप्रसाद सापकोटा (१९८२), रोबर्ट विल्सन (१९८९), तकबहादुर गुरुङ (१९९३), दुर्गाबहादुर सिंह पाली (१९९३), पूनम गुरुङ श्रेष्ठ (१९९१), लक्ष्मणप्रसाद भट्टराई (१९८७) र रमेश न्यौपाने (१९९५) लगायतका रहेका छन् । उनीहरु भने छलफलमा उपस्थित हुन सकेनन् ।
छलफलमा सहभागी हुन नसकेका अन्य अग्रजसँग पनि आगामी दिनमा भेटघाट तथा अनुभव आदानप्रदान गरिने महावाणिज्यदूतावासले जनाएको छ ।

तस्वीर : लालबहादुर ढेंगा\महावाणिज्यदूतावास