न्यूयोर्क

अमेरिकास्थित नेपाली समुदायको पहिलो बित्तिय संस्थाको रुपमा संचालित एभरेस्ट फेडरल क्रेडिट युनियनलाई स्मल बिजिनेस एड्मिनिस्ट्रेसन (एस बि ए) ले  कोरोना महामारीमा साना ब्यापार ब्यवसायहरुको राहतको लागि ऋणदाता (लेन्डर) को रुपमा मान्यता दिएको छ । एस बि एले एभरेस्ट फेडरल क्रेडिट युनियनलाई ऋणदाताको रुपमा मान्यता दिएसंगै अब अमेरिका भित्र नेपाली समुदायको स्वामित्वमा संचालित साना ब्यापार ब्यवसायलाई महामारीको समयमा पेरोल प्रोटेक्सन प्लान (पि पि पि) ऋण दिने अधिकार प्राप्त भएको हो । पि पि पि ऋणको लागि अब नेपाली ब्यवसायीले एभरेस्ट फेडरल  क्रेडिट युनियनको सदश्यता लिएर ऋणको लागि तत्काल नै आबेदन दिन सक्ने भएका छन् । एभरेस्टबाट प्राप्त गरिने पि पि पि ऋण अनुदान वा १ प्रतिशतको न्युन ब्याजदरमा उपलब्ध गराईने छ ।
ऋण लिन ईच्छक ब्यक्तिले [email protected]  मा संपर्क गर्नु पर्दछ । थप जानकारीको लागि www.everestfcu.org अथवा  www.sba.gov हेर्नु होला ।